Lơ 19/12, N’gâng kan tuch tăm mât rong n’hanh hun hao ƀon lan n’gor Dak Lak ƀư Rƀŭn nchră n’glôch jêh trong kan năm 2024, mbơh ƀư nău kan năm 2025. Năm 2024, rnoh khlay nkra njêng lŏ mir, si bri n’hanh tui ka n’gor Dak Lak geh rlău 23.500 rmen prăk, âk rlău 1,4 tơ̆ nkôp đah rĭng geh nsum lam dak, rgop têh an hao jêng wăng sa nsum bah n’gor.

Dăp rgâl nkra njêng lŏ mir bah n’gor dôl ntơm dơi rgâl tĭng trong mhe, hun hao âk trong n’hanh jru hvi, mât uĕh nău geh bah ăp ntŭk, hăn ndrel đah nău ŭch ntŭk tăch, tâm di đah rgâl trôk nar n’hanh rgum lăp lam ntŭr neh. N’gor Dak Lak rgâl mhe tay n’hanh n’hao săk rnglăy ăp trong ƀư nkra njêng n’hanh ntrŭt wăch rgum doanh nghiệp ntuh kơl an nkra njêng lŏ mir. Năm 2025, nău kan lŏ mir Dak Lak n’gluh an nău rƀŏng nsrôih khlay dĭng lĕ ndơ lŏ mir, si bri, tui ka ta n’gor geh 24.700 rmen prăk, dak bât đăp mpăn tŏ djrah an rlău 85% rnoh neh tơm tăm.