Học viện Chính trị Quốc gia Hồ Chí Minh mhe kan nsum đah Đại học Thái Nguyên ƀư tâm nchră "Nău khlay bah mpôl  kan Đoàn tâm nău n'hao săk blău pah kan hun hao đảng viên tâm sinh viên aƀaơ".  Ta tâm nchră, ăp đại biểu hŏ tâm ôp, tâm nchră nău mĭn mpeh hun hao đảng viên n'hanh du đêt nău tă ơm gĭt kan hun hao Đảng ta ăp Đảng bộ nhih nti tâm sinh viên; Nău khlay bah Đoàn druh ndăm râng rdâk njêng Đảng n'hanh lam trong kan chính trị kloh uĕh, nâp dăng ta nhih nti đại học.

ăp nău nchrăp dăn đă ta rơh tâm nchră lah rjăp da dê đại học lah ntŭk ntĭm nti, srŏng tiăr tơm nuĭh kan an neh dak, lah ntŭk jêng nău mĭn, nuih n'hâm uĕh lŏng bah sinh viên, cán bộ mât bôk kan let năp tay. Yor kơt nê̆, rdâk njêng n'hanh hun hao Đảng đah sinh viên tâm nhih nti đại học lah nău kan khlay tâm pah kan ntĭm nti, kơi năp nti, tiăr nti sinh viên, an nău hun hao nâp dăng bah neh dak.