NĂU LAH UEH

Ban Chấp hành Trung ương Đảng Cộng sản Việt Nam, Quốc hội dak Cộng hoà xã hội chủ nghĩa Việt Nam, Kruanh dak Cộng hoà xã hội chủ nghĩa Việt Nam, Chính phủ dak Cộng hoà xã hội chủ nghĩa Việt Nam, Uỷ ban Trung ương Mặt trận Tổ quốc Việt Nam, rnâng kan leo ver khĭt Ngih dak n’hanh rnăk vâl đồng chí Nguyễn Phú Trọng, Tổng Bí thư Ban thư Ban Chấp hành Trung ương Đảng Cộng sản Việ Nam dŭt lah ueh lĕ rngôch ƀon lan, đồng chí, tahen lam dak, ƀon lan he ta dak bah dih n’hanh băl mpôl ta lam ntur neh, lĕ geh âk nău rŏng têh khlăy, nău rngot klâng dŭt n’hâm n’hanh nău ryơk n’hao têh đah đồng chí Tổng Bí thư Nguyễn Phú Trọng; lĕ tât râng khĭt, njoăl điện, njoăl nău rngot klâng, râng djăt nkoch nău rêh nău kan, ntĭnh njŭn đồng chí  Nguyễn Phú Trọng, Tổng Bí thư Ban Chấp hành Trung ương Đảng Cộng sản Việt Nam sĭt đah nău nkoch trêng têh dăng bâh mpôl rnoi Việt Nam gĭt blău, ueh mhe n’hanh têh dăng.

Tâm ăp nar ba năp, rkeh rmưn play nuih Việt Nam n’hanh băl ăp dak lam ntur neh mpŏng sĭt let Hà Nội, nkuăl ƀon têh Hồ Chí Minh n’hanh ƀon tơm Đông Hội, ntŭk geh ƀư rơh ver khĭt lam dak đah đồng chí Tổng Bí thư Nguyễn Phú Trọng, rhiăng rmưn nuĭh ƀon lan ta ăp mpeh mper neh dak mô klach bri jong trong ngai, mô klach mih phŭ sial dăng ryơk rnê ta lĕ trong hăn njŭn đồng chí Tổng Bí thư sĭt bri phan. Lĕ geh tât rhiăng nuĭh leo kan ăp dak, ăp nkual neh njoăl săm ƀŭt, njoăl điện, nău mbơh rngot klâng, rhiăng mpôl kan bâh dak bah dih râng khĭt, djăt nkoch nău rêh nău kan n’hanh hăn tâp, rbăn mpôl đah rhiăng rmưn nuĭh ƀon lan tât râng khĭt đồng chí Tổng Bí thư, rbăn mpôl râng khĭt ta ăp ntŭk kan ndơn kan he ta dak bah dih.

Du tŏ tay, rnâng kan leo ver khĭt Ngih dak n’hanh rnăk vâl lah ueh nău rŏng dŭt khlăy bâh ƀon lan, đồng chí, tahen lam dak, ƀon lan he gŭ dak bah dih n’hanh băl ăp dak lam ntur neh đah đồng chí Nguyễn Phú Trọng. Tổng Bí thư Ban chấp hành Trung ương Đảng Cộng sản Việt Nam n’hanh neh dak, kon nuĭh Việt Nam gĭt blău, ueh mhe n’hanh têh dăng.

BAN CHẤP HÀNH TRUNG ƯƠNG ĐẢNG CỘNG SẢN VIỆT NAM

QUỐC HỘI DAK CỘNG HOÀ XÃ HỘI CHỦ NGHĨA VIỆT NAM

KRUANH DAK CỘNG HOÀ XÃ HỘI CHỦ NGHĨA VIỆT NAM

CHÍNH PHỦ DAK CỘNG HOÀ XÃ HỘI CHỦ NGHĨA VIỆT NAM

UỶ BAN TRUNG ƯƠNG MẶT TRẬN TỔ QUỐC VIỆT NAM