Tĭng nau nchrăp bah N’gâng kan tuch tăm ndrel hun hao ƀon lan, tât dŭt khay 3, Bôk nau kan nkra trong hoch dak Krông Pách Thượng ntrŭnh ƀư tâm Dak Lak mra nchăng dak, têm dak. Bôk nau kan gay ma pă dak tŏ ân nklăp 15 rbăn ha neh tuch tăm bah ăp nkuăl mpeh ba dâng bah n’gor Dak Lak. Yơn lah, tât rnôk aơ, nau kan trok tâm, rklaih ntrơn ntŭk mô hŏ jêh, hôm 488 rnăk tâm rđŭng ƀư nglau dak. Rnôk aơ, UBND nkuăl Mdrak, n’gor Dak Lak dôl ƀư ndal gay ma ntrơn leo rnăk ƀon lan.

Nau kan nchâp ntrơn leo 488 rnăk geh ntrŭnh ƀư tĭng nau nchrăp bah UBND nkuăl M’drak gay ma kơl an nau nkra nglau dak Krông Pách Thượng-Ntŭk kan geh rnoh ntuh kơl 4.400 rmen hŏ mbrơi ƀư nau kan tâm âk năm yor âk rnăk ê geh ndơn nau kan trok tâm, kơl an, ntrơn ntŭk gŭ. Ntŭk ntu gay ma ntrơn gŭ mhe ê jêh ndrel neh neh tuch tăm ê geh pă tŏng nê lah nkô̆ ƀư nŭih ƀon lan mô geh tâm ban nau. Nau kan ntrơn ntŭk gŭ, tâm rnoh 742 rnăk tâm nkuăl ƀư nau kan, tât rnôk aơ, mhe geh 254 rnăk tât ntŭk gŭ mhe. Ăp rnăk ƀon lan geh ntrơn gŭ mhe tât ntŭk mrô 2, tâm xã Cư Bông, nkuăl Ea Kar./.