Kêng măng 20/8, UBND n’gor Lâm Đồng ntrŭnh nau ndâk rmôt ƀư nau kan kơl an trok tâm nau khuch tâm mpôl ndrôk khĭt ji ndul ndjroh ndrel khĭt âk jêh rnôk chuh vắc xin NAVET-LPVEC pŭn ntô bah Công ty Navetco. Tĭng nê, rmôt hăn kan kơl an trok tâm nau khuch tâm ndrôk dak toh geh djroh yor chuh vắc xin pŭn ntô tâm n’gor Lâm Đồng geh 12 nŭih.

Rmôt kan geh nau kan kơp, uănh, ndâk rmôt ƀư nau kan trok tâm, kơl an nau khuch ndrel tâm rgop đah Công ty Cổ phần dak si Thú y Trung ương Navetco ntrŭnh ƀư nau kan trok tâm, kơl an ân ndrôk geh saơ ji jêh rnôk chuh vắc xin NAVET-LPVAC tâm n’gor Lâm Đồng tĭng nau ntrŭnh bah pháp luật. Kơp tât rnôk aơ, n’gor Lâm Đồng geh rlau 6.400 mlâm ndrôk geh djroh, tâm nê geh 348 mlâm khĭt jêh rnôk chuh vắc xin pŭn ntô tâm Công ty Navetco./.