Ntoh ngơi ta nar mâp, Groi kruanh N’gâng kan Công an Trần Quốc Tỏ mĭn lah, 75 năm bah năp, rmôt Công an ƀon lan du nuih n’hâm tĭng Đảng ngih dak n’hanh nuĭh ƀon lan, nsrôih lôch uĕh nău kan chính trị dơi jao; mât nâp jâng nsan, mât njrăng nâp nâl rnă njrăng neh dak, đăp mpăn nău rêh jêng, mô an geh tât ndal, mâp ndal, rgop soan ƀư tĭng nău kan hun hao wăng sa, văn hóa, rêh jêng n’hanh tâm rnglăp bah dih bâh neh dak.

Ta năp ăp nău rgâl bah nu nău n’hanh ăp nău n’gluh an tâm năm tât đă ăp cán bộ, tahen dơn ƀư nău kan ndâk njêng rmôt công an nuĭh ƀon lan mô rlu nti, n’hao nău gĭt mpeh ăp ntil, ƀa ƀơ uănh êng săk nơm, tiăr nti tĭng nău mĭn, nău rêh, trong kan Hồ Chí Minh; dŭt n’hâm, rhŏ an neh dak, rhŏ an nuĭh ƀon lan.