Kruanh N’gâng kan Công an lĕ wơt n’hanh ƀĭt joet ƀư rnê nkhôm, ntrŭt nsôr Mpôl pah kan ta Tach ndeh păr quốc tế Nội Bài. Jêh âk nar tâm rlong đah mông nar gay joi nuĭh rmanh geh bŭl tâm ăp ndơ hăch, Mpôl pah kan râng wơt kơl bah N’gâng kan Công an Việt Nam ta Thổ Nhĩ Kỳ lĕ lôch uĕh nău kan dơi jao; tâm rgop đah rmôt wơt kơl ăp dak kơl geh du hê hôm e rêh luh tâm nkual rlâm; joi, ndơ̆ geh 14 săk nuĭh khĭt luh bah dih jao an ngih pah kan dak si ta ntŭk;

nkre lĕ rdêng bơi 2 tấn ndoh ndơ dak si bah N’gâng kan Công an Việt Nam an ngih pah kan tâm pă ndoh ndơ ngih dak Thổ Nhĩ Kỳ n’hanh an N’gâng kan dak si nkual ƀon têh Adiyaman. Rơh aơ Kruanh N’gâng kan Công an lĕ an bằng khen an 24 cán bộ, tahen yor lĕ lôch uĕh nău kan tâm rơh ƀư tĭng nău kan wơt kơl khuch khat n’gơ neh ta Thổ Nhĩ Kỳ.