Kêng măng 7/8, Rmôt hăn kan bah Bộ Công thương yor Kruanh n’gâng kan Nguyễn Hồng Diên ƀư tơm kan hŏ pah kan đah rđau kan n’gor Kon Tum mpeh nau tuch tăm công nghiệp ndrel nau kan tăch rgâl, nau ntrŭnh ƀư nau rgum nau kan neh dak tâm nau kan ŭnh nar, khoáng sản. Ntoh nau tâm nar pah kan, wa Nguyễn Hồng Diên ân lah, êp nau tă dơi geh, n’gor Kon Tum hôm âk nau jêr ƀư jêng nau mô dăng tâm rnôk ƀư nau kan, nkô̆ nau kan.

Mpeh nau kan ƀư tâm rơh tât, wa Nguyễn Hồng Diên đă n’gor Kon Tum ƀư ân geh săk tam ăp nau ntrŭnh, nau rđau bah Đảng, Ngih dak mpeh hun hao văng sa, rêh jêng tâm năm 2024 ndrel ăp năm ba kơi, ngăn lah du đê̆ nau kan mhe geh săk tam ntơm lơ 1/8, nê lah Luật neh ntu, Luật tăch rvăt neh...ngăn lah nau tăch rvăt điện sŏng, nau bonh đă hun hao điện mặt nar chor jay./.