Lơ 21/2, Jrâu kan mât nau nkra trong III.4 (N’gâng kan gung trong) geh nau ntrŭnh njoăl tât Rnâng kan mât bôk nau kan 2-lah tơm ntuh kơl Bôk nau kan n’hao nau tâm nthoi trong hăn nkuăl Tây Nguyên (Bôk nau n’hao nkra nâp trong Quốc lộ 19), rđau ăp tơm ntuh kơl ân geh mât đăp mpăn gung trong rnôk ƀư nau kan bah 2 n’gor Gia Lai ndrel Bình Định. Ngăn lah, Jrâu kan mât trong jâng III.4-Ntŭk mât trong jâng III, đă Rnâng kan mât nau kan 2 (tơm ntuh kơl) rđau ăp tơm ntuh kơl ndâk ƀư tâm quốc lộ 19 mêt uănh.

Rklaih ân rjăp ntŭk dôl ma plôk đang, ntu hŭk, rluh neh, du đê̆ ntŭk nkra mô geh n'gâng ƀư roh nau đăp măpn hăn trong. Rnôk ƀư rklaih bah năp lơ 28/2/2023 ndrel geh nau ntrŭnh, rup mbơh nkoch nau kan geh ƀư. Bôk nau kan N’hao nau nthoi gung trong nkuăl Tây Nguyên hŏ geh ntơm ƀư tâm khay 9 năm 2021, đah rnoh jong 143 km, hăn rlet 2 n'gor Gia Lai (126km) ndrel Bình Định (126km), geh rnoh ntuh kơl lah 3.600 rmen. Rơh ƀư nchrăp mra jêh tâm khay 12/2023./.