Di rnôk Kruanh n’gâng kan nchră nau Việt Nam Bùi Thanh Sơn hăn khâl ngăn Nhật Bản ndrel ƀư tơm nar rƀŭn tal 12 Uỷ ban tâm boh Việt Nam-Nhật Bản, N’gâng kan nchră nau bar dak hŏ mbơh nau nsum. Nau mbơh ân gĭt, rơh rƀŭn tal 12 bah Uỷ ban tâm boh Việt Nam-Nhật Bản hŏ geh ƀư ta Tokyo, Nhật Bản tâm lơ 7/7/2024. Bar ding rnê nau ndâk tay nau kan Uỷ ban tâm boh Việt Nam-Nhật Bản jêh 5 năm nkol yor srê Covid-19.

Aơ lah rơh rƀŭn bôk năp geh ƀư jêh rnôk bar dak n’hao nau tâm boh kan nsum ăp ntil yor nau đăp mpăn ndrel nâp nâl tâm Châu Á ndrel lam ntur neh, ntoh nau nsôih bah Rđau kan Chính phủ, ăp n’gâng kan, ntŭk kan bar dak tâm nau ntrŭt dăng tâm boh kan nsum Việt Nam-Nhật Bản hun hao rjăp, ngăn, ăp ntil n’ăp ma rnoh ndrel nau nâp, tâm ban nau geh dơi bah nau tâm boh mhe./.