Ôi ntri (14/12), Bộ Giáo dục n’hanh Đào tạo ƀư Tâm nchră n’glôch jêh 10 năm tĭng ƀư Nghị quyết mbrô 29 năm 2013 bah Ban Chấp hành Trung ương Đảng khoá 11 mpeh “rgâl mhe tơm, lam lĕ rngôch ntĭm, nti, tŏng đah nău ŭch geh công nghiệp mhe, têh uĕh mhe tâm nô nău wăng sa ntŭk tăch rgâl rƀŏng tât xã hội chủ nghĩa n’hanh lăp rgum dak bah dih”.

Lah ta rnôk n’glôch jêh tâm nchră, Bộ trưởng Bộ Giáo dục n’hanh Đào tạo Nguyễn Kim Sơn lah rjăp, ăp nău dơi hŏ geh lôch 10 năm tĭng ƀư Nghị quyết 29 an saơ nău nsrôih dŭt têh bah ăp Ban, Bộ, n’gâng kan Trung ương n’hanh ăp n’gor. Tâm nchră n’glôch jêh ƀư tâm rnôk âk nkô̆ dôl nha hôm an ƀư, âk nkô̆ mô hŏ wat jêh. Yor kơt nê̆ Bộ Giáo dục n’hanh Đào tạo dăn đă Bộ Chính trị n’gluh an dŏng nău n’glôch jêh bah Bộ Chính trị mpeh nău tĭng ƀư tay Nghị quyết 29 nkoch tay nău rgâl mhe tơm, lam lĕ rngôch n’hanh n’hao săk blău ntĭm nti tŏng đah nău ŭch geh dơn kan tâm rơh mhe bah neh dak./.