Ôi 26/12, ta Hà Nội, N’gâng kan ntĭm nti ƀĭt joet tâm rgop đah Ban Tuyên giáo Trung ương, Trung ương Đoàn Thanh niên cộng sản Hồ Chí Minh ƀư n’glôch jêh, an ndơ nkhôm rơh tâm rlong trực tuyến “Druh ndăm nti n’hanh ƀư tĭng nău mĭn, nău rêh, pah kan Hồ Chí Minh” năm 2023. Aơ lah năm tal 9 Rơh tâm rlong dơi ƀư gay ntrôl dăng nău nti n’hanh ƀư tĭng nău mĭn, nău rêh, pah kan Hồ Chí Minh tâm đoàn viên, druh ndăm rchong, kon hŏk, sinh viên tâm n’hanh bah dih dak.

Rơh tâm rlong năm aơ ƀư bah nar 11/9 tât nar 26/11 tĭng trong ƀư trắc nghiệm trực tuyến. Jêh rlău 3 khay ƀư, rơh tâm rlong lĕ wăch rgum geh rlău 2 rkeh 100 nuĭh tâm rlong dăn râng. Rlet rlău ăp rwăch tâm rlong, rwăch tâm rlong bán kết, Mpôl rdâk ƀư săch 186 nuĭh tâm rlong geh âk ngăn lăp tâm rlong rwăch Chung kết dăp hạng êng du hê lam dak. Ta nar ƀư n’glôch jêh n’hanh an ndơ nkhôm rơh tâm rlong, 90 nuĭh geh dăp uĕh ngăn dơi an ăp giải Nhất, Nhì, 3 n’hanh 4. Mpôl rdâk ƀư an an giải rmôt an 10 n’gâng kan ntĭm nti geh rnoh kon hŏk râng bài tâm rlong âk ngăn.