Nthoi tay bôk nău kan rơh rƀŭn tal 29, lơ 9/1, Ủy ban Thường vụ Quốc hội lĕ an rgop nău mpeh nău djăt, rblang, nkra di 2 dự thảo Luật khlay jêh nĕ n’glôch jêh rơh rƀŭn. Nĕ lah dự thảo Luật neh ntu (nkra rgâl) n’hanh Dự thảo Luật ăp Rmôt kan an manh prăk (nkra rgâl). Dự thảo Luật neh ntu (nkra rgâl) jêh rnôk dơi djăt, nkra di bơi 16 chương n’hanh 260 điều.

Nkôp đah dự thảo Luật mbơh Ủy ban Thường vụ Quốc hội ta rơh rƀŭn đah 2 rơh bah Rơh rƀŭn tal 6, dự thảo Luật lĕ ntlơi 5 điều, lôch jêh, nkra di, nkra rgâl 250 điều. N’glôch jêh rơh rƀŭn tal 29, Kruanh Quốc hội Vương Đình Huệ đă ăp Ủy ban bah Quốc hội, ăp ngih pah kan an tay mông nar gay djăt, nkra di dự thảo Luật Neh ntu (nkra rgâl); dự thảo Luật ăp rmôt kan an manh prăk (nkra rgâl); dự thảo Nghị quyết mpeh du đêt trong ƀư, nău kơl an dôh rklaih jêr jŏt, wăk kol, ntrôl ngăch ƀư tĭng ăp Bôk nău kan rƀŏng tĭng lam dak n’hanh ăp nkô̆ nău khlay êng gay nchrăp an rơh rƀŭn ndal rơh tal 5, Quốc hội khóa 15, ntơm ƀư tâm lơ 15/1 tât.