Đah rnoh hvi rlău 547.700 ha bri krŏng ndrel đah rlău 61.000ha bri tăm, ta âk nkual bah n’gor Kon Tum rnôk dja hŏ ntơm ntoh kro phang, geh ma nău ŭnh sa bri. Ta năp nô nău bah lơ nê UBND n’gor Kon Tum rđău đă n’hao dăng ăp trong jăch ndăn njrăng n’gang ŭnh sa bri.

Tĭng UBND n’gor Kon Tum đă n’gâng kan ăp gưl, mpôl công an, tahen, doanh nghiệp tăm cao su ta neh bri n’hanh ăp nuĭh tơm bri ôp ŭanh tay ăp tŏng trong njrăng n’gang ŭnh sa bri; puh n’hât ŭnh sa bri; lor nchrăp tâm pă mpôl kan, ndeh rklư ndơ dŏng tŏng nău dơi rdâng lơh dah nău tât ŭnh  sa bri; tâm pă prăk dŏng ta n’gor n’hanh ăp tơm prăk tâm di êng ƀa ƀă gay đăp mpăn tĭng ƀư jăp pah kan njrăng n’gang ŭnh sa bri tĭng trong rƀŏng “puăn ta ntŭk”; ntrŏng na nê̆ ăp nkual geh ma nău  ŭnh sa bri hô gay tâm pă  nuĭh kan, ndơ rnă lor gay nking nchăng n’hanh nkra lơh năn ngăch ăp rơh ŭnh sa bri; ƀư gŭ kâp chăm, tâm pă mpôl kan kâp njrăng lĕ du bông khay wai….