Dơn nău jă bah Tổng Bí thư Nguyễn Phú Trọng n’hanh I ur, Kruanh dak Võ Văn Thưởng n’hanh I ur, ntơm bah nar 12/12, Tổng Bí thư, Kruanh Trung Quốc Tập Cận Bình n’hanh I ur mbra geh hăn khâl gưl ngih dak tât Việt Nam tâm 2 nar.

Aơ lah hăn khâl Việt Nam tâl 3 bah wa Tập Cận Bình kalơ nău kan Tổng bí thư, Kruanh dak Trung Quốc, bah năp nê lah tâm ăp năm 2015, 2017 n’hanh Việt Nam lah dak tâl 2 wa Tập Cận Bình hăn khâl jong nar tâm năm aơ ma păng nkre đah ăp nău kan âk ding. Nchrăp tâm rơh hăn khâl dja, bar ding tâm nchră mpeh nău n’hao trong tor gĭt lor tâm boh bar ding, ntrŭt ntrôl tâm boh têh jong lam lĕ rngôch đah bar dak lăp tâng jru n’hanh ngăn ngăn. Ndrel đah ntŭk chrat ang tâm boh 2 dak mpeh tâm boh wăng sa-  tăch rgâl, mpeh tâm boh chính trị, tâm boh wăng sa, tâm khâl đah Đảng, đah bar Chính phủ, Quốc hội/Nhân đại, Mặt trận tổ quốc/Chính hiệp tâm ban kơt đah ăp n’gâng kan têh khlay tâm Ngoại giao, Quốc phòng, Công an, ăp n’gor  n’har bri n’hanh tâm nđŭr ƀon lan bar dak geh âk nău dơi ngăn ngăn, nsĭt tay nău geh ngăn ngăn an nuĭh ƀon lan bar dak./.