Ôi 9/8, Trung ương rmôt kan bu ur Việt Nam tâm rgop nsum ma rmôt bu ur Dak Lak ƀư Bôk nau kan nkoch mbơh nau njrăng, rdâng tâm lơh tâm rnăk vâl tâm nkuăl rnoi mpôl đê̆ tâm ăp nkuăl Ea Súp ndrel Krông Păk. Tâm xã Ea Hiu ndrel Ea Yiêng, nkuăl Krông Păk, nkô̆ nau nkoch mbơh rgum tât nau tâm lơh tâm rnăk vâl ân bu ur, bu ur druh ndrel rnăk mom. Hôm tâm xã Ea Rốc, nkuăl Ea Súp, rgum nkoch trêng mpeh nau ƀư tĭng rjăp nau dơi bah Kruanh ƀon, nŭih bu rnơm tâm ƀon lan tâm nau njrăng rdâng tâm lơh tâm rnăk vâl.

Bah nau tâm mbơh ôp nau, tâm rgop ma nau mbơh nkoch nau blau kan ndrel tâm n’ur ngăn, nkô̆ nau nkoch trêng rgum nau tâm gŭ ur sai ơm, tâm lơh tâm rnăk vâl bah rnôk aơ, ăp nau rklaih lah geh nau tâm lơh tâm rnăk vâl, nau dơi bah bu ranh ƀon, kruanh ƀon, nŭih bu rnơm tâm nau bư nau njrăng, rdâng nau tâm lơh tâm rnăk vâl, ăp ntŭk ndơn nau mbơh, phong nŭih tâm lơh tâm rnăk vâl, nau kan gay tâm rjaih tâm nau njrăng, rdâng tâm lơh tâm rnăk vâl./.