Gay đăp mpăn ân lễ hội cà phê Buôn Ma Thuột tal 8 mra lah ntŭk tât “Ueh ăp ntil, đăp mpăn, tâm dăch dơh ndrel rŏng năch” nkuăl ƀon têh Buôn Ma Thuột, n’gor Dak Lakl dôl geh âk nau kan gay ma mât ntŭk ƀư pâl n’aih, nau ueh bah đô thị, ngoai tâm ăp nau kan khlay lah nau tâm rgop đah ăp ntŭk kan, n’gâng kan, ƀon lan gay ma ƀư rep lơi nau dăn sa ndrel têk jă năch.

Tĭng nê, nkuăl ƀon têh Buôn Ma Thuột hŏ rđau ăp mrôt kan geh tât, UBND ăp phường, xã rgum tâm rgop ƀư, rklaih nau kan nŭih sa dăn hăn lă lêng tâm ntŭk. Ngăn lah, mô ân nŭih dăn sa hăn lă lêng tâm ăp nar ƀư Lễ hội cà phê Buôn Ma Thuột tal 8 năm 2023. Nkre lah, njrăng rdâng nau mât rong, ndăn nŭih dôl hăn lă lêng, mô geh ndơ sa, dăn sa gay ma têk jă năch hăn pâl n’aih, lơh khuch tâm nau kan nau rêh./.