Nkuăl ƀon têh geh 22/22 quận, nkuăl, nkuăl ƀon têh Thủ Đức n’hanh 281/312 phường xã nkuăl têh nchih rgum n’hanh an xuất bản lịch sử Đảng bộ, lịch sử mbơh tơih nău tâm lơh rơh cách mạng lvang năm 1930-1975 n’hanh bâh năm 1975 tât aƀaơ.

Bol ma kơt nĕ, tâm nău ƀư tĭng Chỉ thị mbrô 20 bâh Ban Bí thư Trung ương Đảng ta nkuăl ƀon têh Hồ Chí Minh hôm nha geh âk nău mô hŏ dơi kơt: nău kan mbơh tơih nuĭh kan, du gâl yor nău kan mbơh tơih bâh tuyên giáo mô geh nuĭh kan an nău kan lịch sử Đảng. Ntoh ngơi ta rơh rƀŭn nchră, wa Nguyễn Hồ Hải, groi Bí thư thành ủy đă: Tâm let năp tay, ăp ntŭk kan an geh ƀư tĭng n’hanh ndâk nkra ăp nău ngăch ndăn geh ngluh mbơh tâm nău mhe aƀaơ. Mhâm ƀư gay ma nău kan nchih rgum mbơh tơih, ntĭm nti lịch sử Đảng ăp nar lơ ma ueh lơn, tâm di đah ăp nuĭh, ngăn lah rơh mom. Geh ăp nkô̆ nău ntĭm đă gay ma ƀon lan gĭt vât di đah nău kan bâh lịch sử n’hanh nsrôih ƀư tĭng nău pah kan aơ.