Ôi 5/8, ta n’gor Gia Lai hŏ ƀư nar nkhôm rnê Báo chí nkual Tây Nguyên lor  bôk năp, đah 22 nău nchih dŭt uĕh blău mpeh 4 ntil báo chí hŏ dơi nkhôm an. Nkhôm rnê Báo chí nkual Tây Nguyên lor bôk  năp dơi ƀư, gay nchih nkah, ƀư an nuih n’hâm gơih nđơr an ăp nuĭh tơm nchih, ndơ geh nchih báo chí săk tam âk, nchih nkoch năm 2023, nchih mpeh Tây Nguyên. Ntơm bah 250 nău nchih râng tâm rlong đah 4 ntil báo in, báo điện tử, pơk ƀoh rup n’hanh ƀoh ngơi, Mpôl tơm ƀư hŏ sơch rlău 100 nău nchih lăp tâm rlong n’glĕ dŭt. Kêng dŭt geh 22 nău nchih geh ndơ nkhôm rnê, lah 2 giải nhất, 4 giải nhì, 6 giải ba n’hanh 10 giải khuyến khích.

Ăp nău nchih râng tâm rlong geh nău uănh khlay ndê na nê̆, săk blău uĕh mpeh nkô̆ hôr tâm trôm n’hanh săk ntô bah lơ. Du đêt nău nchih geh nkô̆ mhe, glêh tam,  nkô̆ hôr âk mpưm nkre đah âk trong ƀư rêng lam nău lư, suan ring tam, klônh wăch nuĭh djăt uănh. Lơn lah rup uĕh văn hóa n’hanh ăp nău nsrôih mât ndray nău way ơm, văn hóa bah n’gâng kan ăp n’gor n’hanh ƀon lan ăp rnoi nuĭh Tây Nguyên.