Ôi 21/11,  ta Hà Nội lĕ ntơm ƀư rƀŭn nchră Chữ thập đỏ n’hanh Trăng lưỡi liềm đỏ lam ntŭr neh nkual Châu Á-Thái Bình Dương rơh tal 11. Ta Rƀŭn nchră, ăp đại biểu tâm nchră, tâm ban ŭch trong nchrŏng nchrăp ƀư bah nkual an lvang mhe, nkre ntrôl kan ndrel, trong ƀư tâm rgop n’hanh tâm rgâl nău blău ơm đah ăp rmôt kan neh dak tâm nău ƀư tĭng kơl nuĭh.

Ntoh ngơi ta rơh ntơm ƀư, Groi Thủ tướng Trần Lưu Quang mĭn lah, nău tât râng dŭt n’hâm n’hanh lĕ đah nău kan bah Việt Nam đah ntrong kan Chữ thập đỏ, Trăng lưỡi liềm đỏ lam ntŭr neh. Groi Thủ tướng Trần Lưu Quang đă đŏng, Chính phủ ăp dak, rmôt kan lam ntŭr neh, nkual n’hanh ăp ding geh tât an kơl lor âk n’hanh âk prăk lơn tay an ăp nău ƀư kơl nuĭh. Nkre mpŏng ŭch ăp nău ƀư kơl nuĭh lam ntŭr neh rgum âk lơn tay an nău njrăng n’gang, rdâng săk rnglăy đah ntŭl rlong rnă njrăng bah dih way ơm, dơi khuch hô tât ăp dak.