Nar 26/2, Đoàn Khối doanh nghiệp Trung ương n'hanh Tỉnh đoàn Bắc Kạn kan nsum ƀư ntơm pơk Khay druh ndăm; rgŏ jă Tết tăm si "Mbro mbrăng nkah gĭt wa Hồ". 

Tâm bah ri aơ nơh, mât uĕh nuih n'hâm dâk hăn lor bah druh ndăm, Khối doanh nghiệp Trung ương n'hanh Tỉnh đoàn Bắc Kạn hŏ ƀư jêng ngăn ngăn ăp trong leo kan yor ma nău rêh nsum mpôl n'hanh rgop tâm nău dơn kan mât đăp mpăn lam rêh jêng kon nuĭh, nkah gĭt n'hâm suan. Nkhêp geh rnôk dja, âk nău kan geh nkô̆ khlay ntơm lăp khay druh ndăm dơi ƀư đŏng kơt: Pă an 2 jrô máy tính; jao an 2 jrô nti mhe, ntơm rdâk njêng jay tâm rŏng, pâng nchih ăp ntŭk ndơ druh ndăm ƀư; chop khâl n'hanh pă nklâm ndơ rnăk dơi kơl, nuĭh geh nău rêh jêr jŏt; kơl ndeh wah jâng an kon se ach o gơih nti; an ƀư tăm 10.000 tơm si n'hanh hăn luh kơl ăp nău kan rgâl mbrô ta n'gor Bắc Kạn.