Lễ hội năm mhe bi- nău kan yur mham dŭt têh tâm ăp tơ̆ rnôk năm mhe tât ntơm pơk ngăn nar ntri (6/2) n'hanh ntoch jong tât lĕ 12/02. Nchrăp dơn geh nklăp 6.000 đơn vị mham, Lễ hội năm mhe bi rơh dja geh nău lah "Yur mham bôk năm mhe - ntop geh tay nău rhơn răm" tă bah Viện Huyết học- Truyền máu Trung ương kan nsum đah Hội Druh ndăm rgŏ jă yur mham Hà Nội ƀư.

Rlău 15 tơ̆ ƀư, đah rlău 100.000 đơn vị mham, Lễ hội năm mhe bi hŏ n'hanh dôl rêng lam, ntơm rdâk hang rmưn nuih n'hâm rŏng nuĭh tâm nsum mpôl lam ƀon lan, nkre jêng nău mpŏng kâp, rhơn nđơr bah hang rbăn nuĭh ƀon lan rgop du nău kan uĕh tâm khay ngoăy. Groi Giáo sư, Tiến sỹ Nguyễn Hà Thanh, Viện trưởng Viện Huyết học-Truyền máu Trung ương an gĭt, lor rnôk Lễ hội năm mhe bi dơi ntơm pơk ngăn ri rlău 2 khay aơ, Viện Huyết học- Truyền máu Trung ương hŏ dơn geh bơi 60.000 đơn vị mham dŏng an kơl ndal n'hanh săm ji bah năp n'hanh tâm rnôk Tết nguyên đán Quý Mão.