Ntoh ngơi ta rơh ntơm pơk  nti, đồng chí Võ Văn Thưởng- Ủy viên Bộ chính trị, rnâng kan Ban Bí thư trung ương Đảng lah na nê̆, Đảng he uănh năl, cán bộ lah nuĭh ntrŭnh kan khlăy ƀư geh nău dơi jêng bâh cách mạng. Rdâk njêng mpôl cán bộ, ngăn lah cán bộ gâl kan tơm lah nău kan khlăy bôk năp, lah nău kan tơm khlăy bâh Đảng, an geh ƀư ƀa ƀơ, na nê̆, khoa học, na nê̆ n’hanh săk rnglăy.

Ntuh kơl rdâk njêng mpôl cán bộ lah ntuh kơl an hun hao jŏ jong, nâp nâl. Yor nĕ, jrô nti mbơh nău gĭt vât mhe đah ủy viên dự khuyết BCH Trung ương Đảng khóa 13 rơh aơ geh âk nău rgâl mhe mpeh nkô̆ nău kan, leo ƀư jrô nti. Ngăn lah nău geh săch 29 bôk nău kan geh lĕ rngôch âk nkô̆ nău khlăy ndrel đah ăp nău kan tơm khlăy, tơm glo tâm văn kiện Đại hội lam dal tal 13 bâh Đảng, ăp Nghị quyết rơh rƀŭn nchră trung ương khóa 13 mpeh rdâk njêng Đảng n’hanh ngih dak, mpeh hun hao wăng sa, rêh jêng, văn hóa, kon nuĭh Việt Nam, mpeh rnă njrăng, mât ngih dak n’hanh nchră nău đah dak bah dih, mpeh khoa học, nuĭh leo kan mât uănh ta rơh mhe.