Ntoh ngơi ntơm pơk rơh rƀŭn nchră, Kruanh Quốc hội Trần Thanh Mẫn lah na nê̆ nău đă an geh ƀư tĭng nău way lĕ geh mbơh dơn ngoăy bâh bôk năm kan, nĕ lah an lor an nău ueh nchrăp Luật kan, mô nchoăt tĭng rnoh mbrô, kanŭng ăp nău nchrăp Luật mât đăp mpăn nău ueh, doh rklaih an tâm di ăp nău kŏ văk rĭ mơ geh ndơ̆ an Quốc hội an kan. Lôch rơh ntơm pơk, ăp đại biểu an tâm rgop mpeh nău nchrăp Luật nchrăp kan nkuăl ƀon têh n’hanh nkual ƀon lan gŭ. Tâm nĕ, nkô̆ nău nchrăp nsum nkuăl ƀon têh bâh trung ương geh âk đại biểu mât uănh an tâm rgop nău. Du đê̆ nău tâm rgop lĕ mbơh dăn đă nău nchrăp kan nkuăl ƀon têh rĭ an geh mât đăp mpăn nău tâm ban mpeh nău ƀư, ndơ dŏng ntung trong ntŭk rêh jêng, ndơ dŏng kĩ thuật n’hanh ăp ntil ndơ êng.