VOV4.M’nông- Ôi aơ 10/10, ta ntŭk kan Quốc hội, ntơm pơk rơh rƀŭn nchră tal 16 bâh Ủy ban rnâng kan Quốc hội khóa 15. Geh ƀư tâm 3 nar, ta rơh rƀŭn nchră aơ, Ủy ban rnâng kan Quốc hội uănh n’hêl, an tâm rgop mpeh ăp nkô̆ nău khlăy mbra geh ndơ̆ an Quốc hội ta rơh rƀŭn nchră tal 4 Quốc hội khóa 15 nchrăp geh ƀư ta nar 20/10 tay.

Mpeh nău kan rdâk njêng pháp luật, ta rơh rƀŭn nchră aơ, Ủy ban rnâng kan QH an tâm rgop mpeh nău nchrăp Nghị quyết bâh Quốc hội mpeh rlong kan pă nău dơi săch dŏng rnoh mbrô ndeh ô tô bâh nău uănh kơp dăn rlong rvăt. Ủy ban rnâng kan QH lĕ an tâm rgop ta nău nchrăp mbơh tơih rgum lĕ nău tâm rgop, dăn đă bâh ƀon lan n’hanh ƀon lan njoăl tât rơh rƀŭn nchră tal 4 bâh QH; nău mbơh tơih nău geh uănh nđôi doh rklaih, ơh nău dăn đă bâh ƀon lan njoăl tât rơh rƀŭn nchră tal 3 bâh Quốc hội. Nău mbơh tơih nău geh vơt ƀon lan, vơt dơn nău sƀ phong dôih bâh ƀon lan n’hanh nău geh uănh năl doh rklaih ăp nău tâm lah tâm phong, nuĭh lah bâh ƀon lan njoăl tât Quốc hội năm 2022 n’hanh âk nău kan khlăy êng.

VOV/Nuĭh rblang: Thị Đoắt