Ntrôl tâm boh wăng sa, tăch rgâl n’hanh ntuh kơl đah Việt Nam n’hanh EU
Thứ tư, 14:24, 15/02/2023
VOV/Nuĭh rblang: Y Sưng Phê Ja
VOV/Nuĭh rblang: Y Sưng Phê Ja
VOV4. M’nông- Kêng măng 14/2, Thủ tướng Phạm Minh Chính lĕ wơt mpôl Hội đồng doanh nghiệp EU-ASEAN n’hanh Hiệp hội doanh nghiệp châu Âu ta Việt Nam (EuroCham) gay tâm rgâl ăp trong ntrôl tâm boh wăng sa, tăch rgâl n’hanh ntuh kơl đah Việt nam n’hanh EU.
Jêh rnôk djăt ăp nău rgop, Thủ tướng Phạm Minh Chính mĭn lah Việt Nam uănh khlay mro tâm boh kan ndrel n’hanh Kan ndrel lĕ rngôch Việt Nam-EU kơt tâm boh đah ăp dak kan ndrel; kơl n’hao n’hanh ƀư jru lơn tay tâm boh Kan ndrel ASEAN-EU.
Thủ tướng đă ăp nuĭh ntuh kơl, doanh nghiệp EU hăn ndrel đah Việt nam mbơh ƀư 3 nău khlay mhe, ntrôl 3 n’hâm soan hun hao (ntuh kơl, tăch n’gluh, dŏng ndơ); ntop kơl Việt Nam gĭt tât ăp ntŭk ntuh kơl prăk kaih kloh uĕh n’hanh công nghệ mhe, rhŏ an nău ŭch hun hao nâp nâl tâm ăp nău kan kơt rgâl mrô, rgâl uĕh nđĭr, wăng sa tâm pleh, hun hao ntung trong (geh trong dăng n’hanh trong rbân), rgum mĭn ƀư mhe, ntĭm nti nuĭh kan uĕh nâp, tâm rgop âk ntil ntŭk tăch rgâl, ndoh ndơ, trong an tâm pă.
Viết bình luận