Rlău 2 năm an tĭng ƀư nău n’glêh an 749 bah Thủ tướng Chính phủ mpeh rgâl mbrô gưl neh dak, n’gor Kon Tum geh du đêt nău dơi ngăn, lơn lah tâm trong kan tuch tăm mât rong- thôn ƀon. Tât aƀaơ 60% siƀŭt gưl xã bah n’gor Kon Tum hŏ dơi nkra ma trong mạng, tât rnoh ndơ̆ luh năm 2025. Rlău ma nê, rlău 16.800 héc-ta tơm tăm, 142 mât rong têh hvi dơi  dŏng rgâl mhe khoa học n’hanh công nghệ; rlău 116.600 rnăk tuch tăm lăp tâm ntŭk ndranh tăch rgâl điện tử.

Tât aƀaơ n’gor Kon Tum hŏ geh 48 xã di rnoh rdâk njêng ƀon lan mhe. Ndrel đah nê, n’gor hŏ geh 21 thôn di rnoh nkual ƀon lan gŭ ntĭt mhe, 65 thôn, ƀon rnoi mpôl đê̆ dơi tât rnoh rdâk njêng ƀon lan mhe. Aơ lah ngoăy tâm ăp jâng nsing khlay gay n’gor tĭng ƀư ăp trong nkra mhe, blău ƀư mhe n’hanh tâm di gay ntrŭt ntrôl rgâl mbrô tâm nău kan tuch tăm n’hanh hun hao thôn ƀon ăp tŏng nău geh.