Ôi 1/12, ta nkual ƀon têh Kon Tum, n’gor Kon Tum, Viện khoa học xã hội nkual Tây Nguyên ƀư tâm nchră khoa học gưl neh dak “Hun hao wăng sa Hợp tác xã nkual Tây Nguyên mpêr n’gar nking kol n’hanh trong nkra”. Râng tâm nchră geh ăp nuĭh rnâng kan, nuĭh khoa học, nuĭh mât bôk kan dâk bôk năp 5 n’gor nkual Tây Nguyên.

Kơp tât khay 6/2023 nkual Tây Nguyên geh 2.187 Hợp tác xã, tâm nê geh rlău 1.600 Hợp tác xã tuch tăm, hôm ƀa ƀă lah ăp Hợp tác xã bah dih tuch tăm. Bol hŏ năl dơi ntŭk gŭ khlay kan tâm trong ntrŭt ntrôl hun hao wăng sa-  rêh jêng kon nuĭh nkual Tây Nguyên hun hao, yơn tĭng nău rgop bah đại biểu ta tâm nchră ri ăp Hợp tác xã ta nkual dja dôl tâm rdâng đah âk ntul rlong n’hanh mpêr n’gar nking kơl đŏng, kơt mpeh nău gĭt êng; mpeh nău dăng geh prăk  kaih n’hanh săk blău tơm nuĭh kan… Gay wăng sa Hợp tác xã nkual Tây Nguyên rlău dơi jêr jŏt hun hao tay, ta Tâm nchră ăp đại biểu hŏ rgum tâm nchră, rblang kloh nău ngăn geh hun hao wăng sa Hợp tác xã nkual Tây Nguyên aƀaơ; nkô̆ jêng tât ăp nău jêr jŏt, n’hanh trong rƀŏng têh jong gay ntrôl dăng wăng sa Hợp tác xã ta  nkual Tây Nguyên hun hao tay let năp aơ tay./.