Ăp ntŭk nkoch mbơh nau, báo chí têh bah lam ntur neh mro nchih, nkoch âk nau mpeh rup gui rnôk ver khĭt Tổng Bí thư Nguyễn Phú Trọng, nkoch mbơh nau ŭch rŏng bah băl bên lam ntur neh đah “rđau kan têh” bah ƀon lan Việt Nam. Ăp nau nchih kŏ ntoh ăp nau rgop têh bah Tổng Bí thư Nguyễn Phú Trọng tâm nau kan ndâk njêng neh dak, njrăng rdâng sa khâm ndrel trong tâm nchră nau ueh gay n’hao nau dơi bah Việt Nam tâm lam ntur neh. Thông tấn xã Lào, Thời báo Vientiane, ndrel âk n’ha báo têh bah Lào kŏ nchih ăp rup, nau nchih mpeh rmôt kan gưl prêh Đảng, Ngih dak Lào yor Tổng Bí thư, Kruanh dak Thongloun Sisouthit ƀư tơm rmôt kan tât chang Tổng Bí thư Nguyễn Phú Trọng. Tâm nau nkoch mpeh rnôk chang Tổng bí thư Nguyễn Phú Trọng, Thời báo Khmer bah Campuchia (Khmer Times) kơp dơn, Tổng Bí thư Nguyễn Phú Trọng ndơn geh nau ryơk bah nŭih ƀon lan Việt Nam ndrel nsum mpôl lam ntur neh đă ăp nau ton rjăp ngăn đah nau hun hao bah neh dak ndrel nau kan têh tâm nau nsôih n’hao tâm boh lam ntur neh.

Sputnik bah Nga kŏ nchih nkoch ăp nau, lah rjăp “Tổng Bí thư Nguyên Phú Trọng hŏ ƀư nau kan nâp nâl ân nau tâm boh Việt-Nga”. Ntơm bah Cuba, nau nkah njoăl tât Tổng Bí thư Nguyễn Phú Trọng’ lah nau nchih nkoch geh mbơh tâm n’ha báo Granma bah Cuba. Nau nchih hŏ ntoh ăp nau rgop têh bah Tổng Bí thư Nguyễn Phú Trọng ân nau hun hao bah neh dak ndrel ƀon lan Việt Nam, kŏ ân saơ “nau tâm boh tâm rnglăp, oh nô” nar lơn nâp nâl đah ƀon lan, đảng Cộng sản ndrel Chính phủ bar dak. Hãng Roi-tơ bah Anh kŏ mbơh nau n’hêl ngăn mpeh nau leo chang, ver bah Tổng Bí thư Nguyễn Phú Trọng, đah nau râng bah âk rmôt kan nchră nau, ntoh măt ăp ntŭk kan ndrel băl bên lam ntur neh./.