Ta âk ntŭk, ƀon lan hôm nha ndah an rup mbah, tŭr chĭng njăt ntĭnh nuĭh leo kan lĕ nău rêh an ngih dak an ƀon lan. ơm ôi, ƀon lan Jarai ta ƀon Kép, phường Đống Đa, nkuăl ƀon têh Pleiku, n’gor Gia Lai, rgum ta ntŭk ngih nsum ta thôn, kŭnh bôk ƀư rơh râng khĭt ryơk kahgĭt Tổng Bí thư Nguyễn Phú Trọng. Lôch rơh râng dŭt ryơk n’hao, nuĭh ƀon lan tŭr chĭng rngot ntĭnh nuĭh leo kan dŭt têh bâh Đảng, nô Bưn, nuĭh du hê nuĭh tŭr chĭng ta ƀon Kép, rngot ngơi.

 “Nău chĭng rngot klâng đah nuĭh khĭt. Wa Nguyễn Phú Trọng, du hê nuĭh leo kan têh bâh neh dak lĕ khĭt, ƀon lan mô gĭt mpơl nău rŏng dăn manh chĭng mpơl nău rŏng ntĭnh njăt wa”.

Ta nkual n’har bri Buôn Đôn, n’gor Đăk Lăk, wa Ama Hoài, kruanh ƀon Niêng 3, xã Ea Nuôl, ndrel đah ƀon lan Bunong, Rđe, Lào n’hanh tăng ni phật tử chùa Long Thọ ƀư ntŭk mbah ryơk n’hanh ƀư kuăl hiêng nuĭh leo kan bâh ƀon lan.

 “Tổng Bí thư kơt nuĭh bơ̆, nuĭh che tâm rnăk vâl hên. Mpôl hên rngot klâng rnôk wa lĕ sĭt bri phan. Mpôl hên dŭt lah ueh wa Nguyễn Phú Trọng lĕ an hên nău rêh tâm rnglăp, geh âk nău kơl an ƀon lan nkual jêr jŏt ta aơ”.