Ôi aơ, ta Ngih Quốc hội, Ntơm ƀư rơh rƀŭn tal 28 bah Ủy ban Thường vụ Quốc hội. Ƀư tâm 3 nar, ta rơh rƀŭn aơ, Ủy ban Thường vụ Quốc hội mbra uănh mĭn tay, an rgop nău mpeh âk nkô̆ nău khlay. Mpeh trong kan ndâk njêng pháp luật, ta rơh rƀŭn 28, Ủy ban Thương vụ Quốc hội an rgop mpeh nău nchrăp ƀư Pháp lệnh prăk phong dôih; uănh mĭn tay, mbơh an dự thảo Nghị quyết mpeh nău ƀư rblang ta rơh rƀŭn Hội đồng Dân tộc, Ủy ban bah Quốc hội; uănh mĭn tay dăn đă ntop tay du đêt nău nchrăp ƀư luật tâm bôk nău kan ndâk njêng luật, pháp lệnh năm 2024...

Mpeh nău ƀư groi nđôi, Ủy ban Thường vụ Quốc hội uănh mĭn tay nău mbơh trong kan dân nguyện bah Quốc hội khay 10 n’hanh khay 11/2023; nkre, Ủy ban TVQH uănh mĭn tay 2 nkô̆ nău: Nău tâm pă, nkra di trong nchrăp ntuh kơl prăk tơm prăk trung ương năm 2023 đah ăp n’gâng kan, ngih pah kan trung ương n’hanh n’gor; nău jao trong nchrăp prăk bôk nău kan rdâk nkra tay n’hanh hun hao wăng sa-rêh jêng, nkra di, ntop tay trong chrăp ntuh kơl nsum đêt năm tơm prăk trung ương lvang 2021-2025 bah n’gâng kan, ngih pah kan trung ương n’hanh n’gor.