Nar 13/3, ta nkual ƀon têh Hồ Chí Minh, Quân khu 7 kan nsum đah Hội đồng Lý luận Trung ương ƀư tâm nchră du đêt nkô̆ nău  lý luận - ngăn ngăn mpeh trong mât njrăng neh dak tâm nô nău mhe. Ăp nău rgop n'hanh dăn đă ta rơh tâm nchră rgum ƀư kloh nău dơi hŏ geh n'hanh ăp nkô̆ nău ndơ̆ luh 10 năm an tĭng ƀư Nghị quyết Trung ương 8, khóa XI mpeh trong njrăng neh dak tâm nô nău mhe ta Quân khu 7. 

Trung tướng Trần Hoài Trung, Bí thư Đảng ủy, Chính ủy Quân khu an gĭt, Quân khu 7 geh ntŭk gŭ kan khlay, rgum tơm bah miền Nam n'hanh lam dak.  Đảng ủy, Bộ Tư lệnh Quân khu 7 ntrŏng 3 nău rvê. Rvê rdâk njêng jâng nsing njrăng n'gang neh dak lam ƀon lan, nkual nsan njrăng n'gang; rvê an ƀon lan n'hanh rvê kơl dak băl Campuchia. Quân khu hŏ an ƀư geh nău tam pah kan mât njrăng n'har bri đah âk trong nchrăp blău mhe, geh nău tam. Ăp đại biểu hŏ dăn đă Trung ương gŭ mĭn, an dŏng nghị quyết mhe mpeh trong mât njrăng neh dak gay tŏng đah nău ŭch dơi geh mât njrăng neh dak tâm nô nău mhe.