Rơh hop tâl 6, Quốc hội khóa XV lăp tâm nar pah kan n’glĕ dŭt đah nău mĭn uănh âk trong nchrăp luật, nghị quyết khlay. Nar 27/11, ta nâm nău ƀư tơm bah kruanh Quốc hội Vương Đình Huệ, Quốc hội ƀư tâm nchră ta hội trường mpeh trong nchrăp Luật Thủ đô (rgâl nkra) n’hanh ăp siƀŭt mbơh bah Chính phủ mpeh: Sơ kết rlong ƀư n’gâng kan đô thị ta nkual ƀon têh Hà Nội, nkual ƀon têh Đà Nẵng n’hanh lôch jêh 03 năm tĭng ƀư n’gâng kan đô thị ta Nkual ƀon têh Hồ Chí Minh.

Lơn âk đại biểu ŭch rgâl nkra Luật Thủ đô gay jêng nchâp đăp tĭng ngăn Nghị quyết 15 bah Bộ Chính trị mpeh trong rƀŏng, nău dơn kan hun hao thủ đô Hà Nội tât năm 2030, uănh ngai tât năm 2045. Ăp đại biểu an lah, trong nchrăp Luật Thủ đô (rgâl nkra) geh rnoh hvi rgâl ăp tŏng lĕ rngôch, nkrum lam lĕ rngôch  ăp trong kan, mô dơn trong kơl mha êng tâm du đêt trong kan, kơt quy định mpeh leo ƀư n’gâng kan, nău tâm pă nău dơi kan an n’gâng kan ta Thủ đô, tâm ban kơt nău tâm rgop kan, hun hao nkual Thủ đô.