Ôi ntri (26/8), ta nâm nău ƀư tơm bah Kruanh Quốc hội Trần Thanh Mẫn, Quốc hội khoá 15 ƀư rơh hop ndal tâl 8, gay mĭn uănh pah kan nchrăp nuĭh kan mpeh nău dơi kan. Lah ta rnôk ntơm pơk, Kruanh Quốc hội Trần Thanh Mẫn an gĭt, Rơh hop ƀư tâm 01 nar, ta Jay Quốc Hội. Quốc hội hŏ ƀư tâm nchră, an nău rgop mpeh nău an rlu Chánh án Nhih phat dôih ƀon lan gưl têh, an rlu Viện trưởng Viện kiểm sát ƀon lan gưl têh gay dơn pah kan êng. Uănh an rlu 01 Groi Thủ tướng Chính phủ n’hanh Bộ trưởng Bộ Tư pháp gay dơn pah kan êng.

Uănh an rlu 01 Groi Thủ tướng Chính phủ n’hanh Bộ trưởng Bộ Tài nguyên n’hanh Môi trường rlu pah kan. An rlu 01 đại biểu Quốc hội khóa 15. Quốc hội tâm nchră, an nău rgop mpeh nău kơi ntop 01 Groi Thủ tướng Chính phủ năm kan Quốc hội khóa 15. Uănh an kơi ntop 03 Groi Thủ tướng Chính phủ, Bộ trưởng Bộ Tài nguyên n’hanh Môi trường, Bộ trưởng Bộ Tư pháp. Sơch Chánh án Nhih phat dôih ƀon  lan gưl têh n’hanh Viện trưởng Viện kiểm sát ƀon lan gưl têh.