Ta ôi, Quốc hội ƀư rơh rƀŭn nchră lor, djăt ăp nkô̆ nău: uỷ viên rnâng kan Quốc hội, Tổng thư ký quốc hội- kruanh ntŭk kan Quốc hội Bùi Văn Cường mbơh tơih, mbơh rblang, rgâl nkkra nău nchrăp kan bôk nău kan Quốc hội. Lôch nĕ, Quốc hội tâm nchră n’hanh tâm rgop mbơh an dŏng bôk nău kan rơh rƀŭn nchră. Lôch nĕ, uỷ viên Uỷ ban rnâng kan Qh Nguyễn Thị Thanh mbơh tơih nău mbơh ntrŭnh bâh Uỷ ban rnâng kan QH mpeh nău an rlu kan nău kan đại biểu Quốc hội khoá 15 đah wa Nguyễn Văn Thạnh ta mpôl đại biểu QH n’gor An Giang.

Geh 4 nkô̆ nău ndal geh Qh uănh n’hêl mbơh tơih pah kan ta rơh rƀŭn nchră aơ geh: Nău nchrăp mbơh tơih Luật neh ntu rgâl mhe, nău nchrăp Luật ăp ntŭk kan an manh prăk rgâl mhe, nău nchrăp Nghị quyết mpeh du đê̆ nău kan, nău kơl kan khlăy gay ma doh rklaih ăp nău jêr jŏt, kŏ văk, ntrôl ngăch nău ƀư tĭng bôk nău kan nkô̆ mpŏng ngih dak. N’hanh nglâ̆ dut lah ntop nău nchrăp kan ntuh kơl gleh năm rnoh prăk trung ương lvang năm 2021-2025 bâh rnoh ntêm nkrem nsum tâm ban đah rnoh hao tơm prăk ngih dak gleh năm 2022 an ăp nău kan, nău nchrăp ntuh kơl nsum n’hanh ntop nău nchră ntuh kơl nsum gleh năm an Tập đoàn điện lực Việt Nam bâh rnoh prăk ntêm nkrem bâh n’gâng kan kế hoạch đầu tư nsum gleh năm.