Kơt Radio nău ngơi Việt Nam mbơh nău ôiw nar naơ, lơ 25/7, ta Hội trường Thống Nhất nkuăl ƀon têh Hồ Chí Minh n’hanh ƀon tơm thôn Lại Đà, xã Đông Hội, nkuăl Đông Anh nkuăl ƀon têh Hà Nội, Ban chấp hành Trung ương Đảng, Quốc hội, kruanh dak, Chính phủ, Ủy ban Trung ương Mặt trận tổ quốc Việt Nam n’hanh rnăk vâl lĕ geh ƀư rơh ver khĭt  đồng chí Nguyễn Phú Trọng, Tổng Bí thư Ban Chấp hành Trung ương Đảng Cộng sản Việt Nam, tĭng nău way ver khĭt ngih dak.

Rơh râng njor khĭt đồng chí Tổng Bí thư Nguyễn Phú Trọng geh ƀư ryơk mbah, rngot klâng. Tâm nău rngot klâng dŭt n’hâm, mpôl Ban chấp hành Trung ương Đảng yor đồng chí Tô Lâm, Ủy viên Bộ chính trị, kruanh dak Cộng hòa xã hội Chủ nghĩa Việt Nam leo tơm lăp ntĭnh đồng chí Nguyễn Phú Trọng. Mpôl chính phủ yor đồng chí Phạm Minh Chính, Ủy viên Bộ chính trị, Thủ tướng ƀư kruanh mpôl lăp râng ntĭnh n’hanh rngot ndrel đah rnăk vâl đồng chí Nguyễn Phú Trọng. Dŭt rngot klâng Tổng Bí thư Nguyễn Phú Trọng, mpôl kruanh dak Cộng hòa xã hội chủ nghĩa Việt Nam yor đồng chí Tô Lâm, Ủy viên Bộ chính trị, Kruanh dak leo hăn lăp râng ntĭnh khĭt n’hanh rngot ndrel đah rnăk vâl Tổng Bí thư Nguyễn Phú Trọng. Mpôl Quốc hội yor đồng chí Trần Thanh Mẫn, Ủy viên Bộ chính trị, kruanh Quốc hội leo hăn lĕ lăp râng ntĭnh đồng chí Nguyễn Phú Trọng n’hanh ndrel rngot đah rnăk vâl.