Lơ 30/11/2023 ta nkual ƀon têh Pleiku, n’gor Gia Lai, Hội đồng Điều phối nkual Tây Nguyên ƀư rƀŭn nchră uănh tât năm 2050. Rƀŭn nchră geh nkô̆ nău khlay tâm nău ƀư tĭng săk rnglăy bah Hội đồng điều phối nkual, ndrel tâm nchră mpeh ăp “Nău nkân”, “Ntŭk kol” hun hao dôl mâp n’hanh n’gluh an trong rƀŏng, ăp nkual gay rƀŏng tât hun hao Tây Nguyên “Uĕh nđĭr-Tâm di-nâp nâl”.

Ntoh măt ăp n’gâng kan, nău kan Trung ương, ăp n’gor nkual Tây Nguyên, ăp nuĭh way kan n’hanh nuĭh khoa học lĕ râng rƀŭn nchră n’hanh rgop nău tâm dự thao dăp rgum. Tât aƀaơ, dăp rgum nkual Tây Nguyên lĕ dơi njuăl tât ăp N’gâng kan, nău kan, ƀon lan gay dăn nău rgop. N’gâng kan lĕ dơn geh âk nău rgop khlay gay lôch uĕh dăp rgum n’hanh jêh rƀŭn nchră rơh 2, hôm e tay ăp nău rgop bah ăp n’gâng kan, nău kan ƀon lan n’hanh ăp nuĭh khoa gay dăp rgum hun hao nkual Tây Nguyên ngăn ngên tâm di đah trong hun hao bah neh dak, ndơ̆ Tây Nguyên hun hao uĕh nđĭr n’hanh nâp nâl, tâm di đah rgâl trôk nar phŭt sial.