VOV4.M’nông –  Ôi 12/8, N’gâng kan ntĭm nti ƀư rƀŭn nchră n’glôch jêh năm nti 2021-2022, mbơh ƀư nău kan năm nti 2022-2023. Rƀŭn nchră dơi ƀư tĭng trong ta ntŭk ta Hà Nội n’hanh trực tuyến, đah 64 ntŭk ƀoh ta lam dak. Năm nti 2021-2022, srê Covid-19 ntoh plơ̆ tay n’hanh geh jêr jŏt, nău kan ntĭm nti lĕ nchrăp uĕh nău kan, ƀư ntĭm nti sŏng dăng n’hanh trực tuyến, đăp mpăn lôch nău kan năm nti. Lam nău kan ƀư lôch uĕh rơh tâm rlong tốt nghiệp trung học phổ thông 2022 tâm 1 rơh đăp mpăn rhăt jăp.

Rƀŭn nchră n’glôch jêh năm nti 2021-2022 n’hanh mbơh ƀư năm mhe

Aơ lah năm bôk năp kon hŏk dôl nti jrô 12 dơi dăn râng tâm rlong tốt nghiệp trung học phổ thông tĭng trong ƀư trực tuyến tâm trong mât uănh tâm rlong. Ta rƀŭn nchră, ndrel đah uănh lah mpeh săk rnglăy lĕ geh, ăp nău mô hŏ di, mô dơi ƀư, rhoăt nău blău ơm tâm năm nti mhe rlău, ăp nuĭh ntoh măt mbra tâm nchră mpeh 12 trong n’hanh nău kan khlay tâm năm nti mhe 2022-2023 êp tât.

Nŭih blang: Y Sưng Phê Ja