Kêng măng 20/12, Thủ tướng Chính phủ Phạm Minh Chính ƀư tơm Rƀŭn nchră Thủ tướng Chính phủ đah ăp Đại sứ, Kruanh ngih pah kan ntoh măt Việt Nam ta dak bah dih. Thủ tướng an gĭt, tât aƀaơ he geh lĕ 15 rnoh ndơ ƀư wăng sa-rêh jêng năm 2024, lơn lah hao jêng rlău 7%. Aơ lah du nău geh nsum bah neh dak, tâm nĕ geh nău rgop khlay bah trong kan tâm rnglăp nchră wăng sa.

Thủ tướng đă, ăp đại biểu uănh lah nu nău, mĭn njêng ăp trong mkra n’hanh janh dăn đă rgâl mhe gay hao ngăch tâm năm tât, n’hanh m’hâm ƀư kuăl jă băl bên lam ntŭr neh ntuh kơl âk lơn ta Việt Nam. Thủ tướng lah rjăp, he an mĭn, sŏk nuih n’hâm tâm trôm lah nuih n’hâm bôk năp trong kan jŏ jong, yơn nuih n’hâm bah dih lah khlay đŏng, rgâl hao, an hao jêng jao an công nghệ; an rgâl hao mpeh wăng sa ntŭk tăch rgâl; n’hanh rgum ntĭm nti nuĭh kan uĕh âk, wăch rgum nuĭh gĭt blău, rgâl mhe n’hanh mât uănh blău.