Ôi 20.2, ta nkual ƀon têh Hồ Chí Minh, Ban rđău đă Trung ương ƀư n'glôch jêh 20 năm tĭng ƀư Nghị quyết mbrô 23 nar 12/3/2003 bah Ban Chấp hành Trung ương Đảng (khóa IX) mpeh ntik uĕh suan dăng tâm rnglăp lam rnoi nuĭh yor ma ƀon lan geh ndrŏng, neh dak têh dăng, nău rêh geh nău tâm ban, gĭt blău rsang rnglăy.

          Tâm nchră uănh năl rlău 20 năm tĭng ƀư Nghị quyết 23 n'hanh ăp trong nchrăp bah Đảng mpeh  tâm rnglăp lam rnoi nuĭh geh nău dơi ŭeh. Mặt trận Tổ quốc n'hanh ăp nsum mpôl lam ƀon lan rgâl mhe tay nkô̆ n'hanh trong rƀŏng kan, rgŏ jă âk mpưm ƀon lan râng tâm rlong rŏng dak; lor nchrăp râng groi nđôi n'hanh rlăch ndăng nău tih lam  rêh jêng kon nuĭh; ƀư jăp nău khlay ƀư ntung njŏ đah Đảng, Ngih dak n'hanh ƀon lan". Yơn lah, suan dăng tâm rnglăp lam rnoi nuĭh, geh ntŭk mô hŏ dơi uănh khlay ăp tŏng. Ăp tơm ndơ, săk geh bah ƀon lan tâm rdâk njêng n'hanh mât njrăng neh dak mô hŏ ntik uĕh. Tâm rnôk nô nău lam ntŭr neh n'hanh nkual let năp tay duh jêr n'hanh mô dơi nchroh lor, ăp nău rgop dăn đă ta rnôk tâm nchră ân ơm n'gluh an dŏng nghị quyết mhe rgâl an Nghị quyết 23, gay ntĭk uĕh tay suan dăng tâm rnglăp lam rnoi nuĭh tâm rơh mhe. Ăp đại biểu an lah, gay rdâk njêng tâm rnglăp lam rnoi nuĭh ri săk Đảng nơm ân kloh uĕh, nâp dăng, ân ntĭt leo lor trong chrat ang.