Di rnôk uỷ viên Bộ Chính trị, Kruanh dak Tô Lâm geh săch ƀư Tổng Bí thư Rnâng kan rđau kan Đảng nơm, rđau kan ăp đảng, ăp dak hŏ njoăl săm ƀŭt, điện rhơn. Săm ƀŭt bah Rđau kan Cách mạng Cuba, Đại tướng Raul Castro Ruz ndrel Bí thư bôk năp Đảng Cộng sản Cuba, Kruanh dak Cộng hoà Cuba Miguel Diaz-Canel Bermúdez nchih: “Ntoh măt Rnâng kan rđau kan Trung ương Đảng Cộng sản Cuba, hên dăn njoăl nau rhơn ngăn di rnôk đồng chí geh ƀư Tổng Bí thư Rnâng kan rđau kan Trung ương Đảng Cộng sản Việt Nam”. Điện rhơn bah Tổng Bí thư Đảng Lao động Triều Tiên Kim Jong Un, nchih: “Geh tăng đồng chí geh ƀư Tổng Bí thư Rnâng kan rđau kan Đảng Cộng sản Việt Nam, gâp njoăl nau tât Đồng chí nau rhơn ueh ngăn.

Rhơn ân Đảng Cộng sản Việt Nam ndrel lam ƀon lan Việt Nam, tâm nâm nau rđau kan bah Đồng chí, mra dơi geh ăp nau hun hao têh lơn đŏng tâm nau kan ndâk njêng chủ nghĩa xã hội”. Điện rhơn bah Thủ tướng Nhật Bản Kishida Fumio nchih: “Gâp dăn njoăl nau rhơn ueh lăng ngăn tât Wa di rnôk Wa geh ƀư Tổng Bí thư Rđau kan Rnâng kan Trung ương Đảng Cộng sản Việt Nam...Gâp rnơm lah ƀon lan Việt Nam nar lơn ma nâp dăng tâm nâm nau rđau kan ueh blau bah Wa”./.