Ôi 15/3 ta Hà Nội, Đảng ủy Khối ăp Nhih pah kan Trung ương kan nsum đah Tạp chí Cộng sản, Đài Tiếng nói Việt Nam, Báo Nhân Dân, Đài Truyền hình Việt Nam n'hanh Thông tấn xã Việt Nam ƀư rgŏ jă Rơh tâm rlong chính luận mpeh mât njrăng jâng nsing nău mĭn bah Đảng năm 2023 tâm Đảng bộ Khối ăp nhih pah kan Trung ương. 

Bí thư Đảng ủy Khối ăp nhih pah kan Trung ương Nguyễn Văn Thể lah kloh, Rơh tâm rlong lah rơh sinh hoạt chính trị gay lam đảng, lam ƀon lan, lam tahen ndrel râng mât njrăng jâng nsing nău mĭn bah đảng. Jêng, ăp Đảng uỷ mpeh nhih pah kan ân ƀư na nê̆ trong nchrăp, gay njêng du trong leo tâm  ăp đảng bộ du trong nsrôih uĕh, geh nău tam. Nkre dăn đă, ăp nhih pah kan ân nta trong dơh an ăp bộ, đảng viên gŭ mĭn, joi gĭt gay rdâk njêng ăp nău nchih săk blău, nkoch trong nchrăp bah đảng n'hanh ngih dak an ƀư tâm trong kan ta nhih pah kan nsĭt tay nău tam uĕh; tâm ban kơt rgop ăp nău mpăng đêt, n'gluh ăp nău dăn đă nkra bah đŏng. Ntơm bah nê ring lăp tâm nău  rêh, tâm ban kơt tâm pah kan bah he đah nău dơn kan mât njrăng jâng nsing nău mĭn bah Đảng.