VOV4.M'nông: Nar 15/8, Hiệp hội hun hao văn hoá doanh nghiệp Việt Nam an gĭt:  Rgum nchră gưl neh dak “Văn hóa đah doanh nghiệp” tâl 2 mbra dơi ƀư ta Hà Nội tâm khay 11 năm aơ. Rgum nchră năm aơ mbra geh 3 bôk nău kan tơm: Tâm nchră đah nkô̆ “Nău khlay văn hóa – Jêng nsing dâk hao n'hanh hun hao wăng sa nâp dăng”; Lễ mpư rnê n'hanh ndơ si ƀŭt kơp dơn doanh nghiệp di rnoh văn hoá tăch rgâl năm 2022; Mpôl ntơh măt doanh nghiệp tâm mâp đah kruanh rđău kan Đảng n'hanh Ngih dak. Nghệ sỹ nhân dân Vũ Ngoạn Hợp, Groi Kruanh rnâng kan Hiệp hội hun hao văn hóa doanh nghiệp Việt Nam an gĭt: Ăp nău kan bah rgum nchră mbra rgop ntrŭt ntrôl nău rdâk njêng văn hóa doanh nghiệp, văn hóa tăch rgâl tâm mpôl doanh nghiệp Việt Nam tâm n'hanh bah dih dak, tĭng rup gui ăp nău ntĭt mha êng ntoh lư bah văn hóa tăch rgâl Việt Nam, tŏng đah nău ŭch geh hun hao jŏ jong n'hanh lăp rgum dak bah dih./.

Nuĭh rblang: Điểu Thân