VOV4.M’nông – Nar 16/8, ta Nkual ƀon têh Hồ Chí Minh, Ủy viên Bộ Chính trị, Kruanh dak Nguyễn Xuân Phúc, Kruanh Ban ntĭm rđău ndâk njêng “Bôk nău rgop tâm nchră n’glôch jêh Nghị quyết Trung ương 8 khóa 11 mpeh trong kan mât njrăng Neh dak tâm nu nău mhe ƀư ƀĭt joet Rgum nchră khoa học “Lý luận-ngan ngăn mpeh mât njrăng Neh dak tâm nu nău mhe”. Jêh gưl tâm nchră, ntoh ngơi ta rgum nchră, Kruanh dak Nguyễn Xuân Phúc tâm ban ŭch, uănh lah prêh ăp nuĭh ntoh măt nkoch âk nău rgop khoa học khlay, ƀư kloh âk nkô̆ nău khlay đah nău kan mât njrăng Neh dak.

Rgum nchră khoa học “Lý luận-ngan ngăn mpeh mât njrăng Neh dak tâm nu nău mhe.

Nkre mĭn lah lĕ rngôch bah Nghị quyết Trung ương 8 khóa 11, di na nê̆ bah âk nghị quyết, n’glôn jêh, ntĭm đă êng đah Đảng, kơl nău kan mât njrăng Neh dak tâm nu naư mhe năm bah năp geh âk nău dơi khlay. Kruanh dak tâm ban ŭch đah âk nuĭh ntoh măt an lah, an n’hao soan tâm rgop, tâm nĕ ndâk njêng “nău nsing nơm tâm nuih n’hâm ƀon lan” gay mât njrăng Neh dak xã hội chủ nghĩa dơi uănh lah trong tơm khlay, ngoăy tâm âk nău kan ƀa ƀơ, têh khlay, gay mât njrăng neh dak aƀaơ hin.

Nuĭh rlang: Y Sưng Phê Ja