Ban Chỉ huy Quân sự nkuâl Tu Mơ Rông, n’gor Kon Tum mhe ƀư rgum kuai du nting tahen ơm khĭt gay jao an rnăk wâl ta Hải Phòng. Tâm rnôk hăn ƀư mir nuĭh ƀon lan saơ du môch tahen ơm khĭt ta thôn Năng Lớn 2, xã Đắk Sao, nkuâl Tu Mơ Rông jêng mbơh đah n’gâng kan.

Rnôk uănh năl, tâm rđĭl nău lư năl dơi săk, ƀon tơm bah tahen ơm khĭt lah Đào Văn Phương, ƀon tơm xã Kiến Ninh, nkuâl Tiên Lãng, Nkual ƀon têh Hải Phòng. Rnôk kuĭh kuai môch tahen ơm khĭt, ăp cán bộ tahen joi saơ nting bah tahen ơm khĭt ndrel đah du đêt ndơ rnă săk, lah: Ao mih nilon nklâm săk tahen ơm khĭt, 10 lêu ao n’hanh 1 mblâm rgên. Tâm bah ri aơ nơh nkuâl Tu Mơ Rông, n’gor Kon Tum hŏ rgum joi geh 18 nting tahen ơm khĭt tâm ăp rơh tâm  lơh nsĭt tâp ta Nghĩa trang Liệt sỹ bah nkuâl đŏng.