Mpôl kan ntrŭt nsôr tuch tăm  ntŭk rêh jêng dôl hăn ndrel đah ƀon lan kan lŏ mir tâm rgop pah kan đah ntŭk tăch rgâl n’hanh doanh nghiệp.

Aơ lah nău geh dơi geh n’gâng kan tuch tăm mât rong n’hanh hun hao ƀon lan mbơh tơih ta rơh rƀŭn nchră nglôch lôch 2 năm mbơh tơih nău nchrăp kan n’hao an geh săk rnglăy pah kan ntŭk ntrŭt nsôr tuch tăm ta ntŭk kan ba dâng ƀư lôch ueh nău leo kan ntrŭt nsôr tuch tăm ntŭk rêh jêng geh ƀư ta lơ 2/8, ta nkuăl ƀon têh Pleiku-n’gor Gia Lai. 2 năm ba năp, trong kan rlău 5 rbăn ntrŭt nsôr tuch tăm mât rong ta ntŭk rêh jêng lĕ tâm rgop n’hanh leo ƀư geh rhiăng jrô nti nău kan hun hao nkual mât tăm, ndrel đah ƀư tĭng 14 nău nchrăp kan ntrŭt nsôr tuch tăm mât rong. Bâh nĕ, kơl an hun hao nkual mât tăm mât đăp mpăn ueh tăch ndơ an dak bah dih an 500ha ba, 300ha tơm sa play, 150ha cà phê ta âk n’gor, nkuăl ƀon têh. Tâm 2 năm ba năp nơh đŏng, mpôl kan ntrŭt nsôr tuch tăm mât rong ta ntŭk rêh jêng lĕ geh ƀư 46 rơh tâm rgop tăch rvăt ntil ndơ an 2.100 ƀon lan kan tăm ba, kơl an tâm rgop pah kan, tăch rvăt ndơ ta ăp n’gor miền Trung.