Tĭng nău mbơh bâh ntŭk kan ntrŭt nsôr tuch tăm mât rong ngih dak, nău nchrăp kan rlong ƀư “N’hao nău săk rnglăy pah kan nău kan ntrŭt nsôr tuch tăm mât rong bâh nău kan ƀư lôch lĕ rngôch rmôt kan ntrŭt nsôr tuch tăm mât rong ntŭk rêh jêng” geh ntŭk kan ƀư tĭng ta năm 2021, ta 13 n’gor ta 5 nkual ntŭk tăm.

Nău geh, lĕ rdâk njêng geh 26 rmôt kan ntrŭt nsôr tuch tăm ntŭk rêh jêng, tâm nĕ geh 8 rmôt kan ta Tây Nguyên. Lôch bơi tât 1 năm pah kan, ăp rmôt kan ntrŭt nsôr tuch tăm ntŭk rêh jêng lĕ geh n’hao nău dơi kan bâh nơm ta trong rdâk njêng ntŭk tăm cà phê nâp nâl, mbơh tơih nău gĭt vât mpeh khoa học kĩ thuật, công nghệ tât ƀon lan, tât râng ta nău kan ƀư pah kan jan sa, ntop tay nău gĭt vât mpeh wăng sa ta ntŭk tăch rgâl ndơn yor mpŏng tât ta ntŭk tuch tăm. Ăp đại biểu lĕ dăn đă du đê̆ trong kan gay ma n’hao an săk rnglăy bâh rmôt kan, kơt n’hao nău rêh jêng nău pah kan jan sa ntrŭt nsôr tuch tăm ntŭk rêh jêng, ngăn lah mpeh ăp nkô̆ nău geh tât wăng sa nsum, hun hao tâm kơl mpeh hợp tác xã, tâm rgop nău khlăy n’hanh rgâl mhe rnoh mbrô.