Ôi 16/8 ta Hà Nội, wa Lương Cường, Rnâng kan Ban Bí thư ntơh măt Kruanh rđău kan Đảng, Ngih dak hŏ wơt Mpôl ntơh măt Đảng Cộng sản Bồ Đào Nha tă bah Tổng Bí thư Đảng Cộng sản Bồ Đào Nha Paulo Raimundo ƀư Kruanh mpôl hăn dôl gŭ khâl, pah kan ta Việt Nam. Ta rơh wơt, Rnâng kan Bí thư Lương Cường lah rjăp hăn khâl  kơl êt lhăt lơn đŏng tâm boh tâm rnglăp way ơm đah bar Đảng, tâm boh tâm rnglăp âk ntil đah bar Ngih dak n’hanh ƀon lan bar dak Việt Nam - Bồ Đào Nha, rƀŏng tât nkah ndray 50 năm njêng tâm boh bar ding tâm năm 2025. 

 Lah rjăp Đảng Cộng sản Bồ Đào Nha way uănh khlay tâm boh tâm rnglăp way ơm đah Đảng Cộng sản Việt Nam, Tổng Bí thư Đảng Cộng sản Bồ Đào Nha lah rjăp ŭch rŏng  rgop tâm nău ntrŭt ntrôl tâm boh tâm rnglăp n’hanh tâm boh uĕh lăng đah bar Đảng, bar dak n’hanh ƀon lan bar dak Việt Nam - Bồ Đào Nha, tâm ban kơt ndrel Đảng Cộng sản Việt Nam rgop rdâk tay trong leo kan cộng sản n’hanh công nhân lam ntŭr neh đŏng.