Ntoh ngơi ta rơh pah kan, Ủy viên n’gâng kan chính trị, rnâng kan Ban Bí thư Trung ương Đảng Võ Văn Thưởng an lah, ntơm nơh n’gor Kon Tum dŭt jêr yơn đah nău nsrôih bâh Đảng n’hanh ƀon lan lĕ dơi geh ăp nău geh khlăy ngăn.

Nău kan rdâk njêng rgâl mhe nău kan Đảng geh âk nău dơi ntoh lư, geh nău mhe tâm nău pă dăp nău leo kan bâh n’gâng kan, uănh khlăy lĕ rngôch ăp nău kan mpeh cán bộ...Mpeh nău kan bâh n’gor Kon Tum tâm let năp tay, rnâng kan Ban Bí thư Trung ương Đảng Võ Văn Thưởng lah na nê̆: Nău kan khlăy ngăn tâm du đê̆ nău kan lah mĭn lor an ƀon lan. Nău tal 2 lah mât ueh nău rnă njrăng ngih dak, đăp mpăn nău rêh jêng tâm nkual ƀon lan rnoi đê̆. Tal pe lah mât bri, mât dak nor, mât ndơ trôm neh mât đăp mpăn hun hao ueh, nâp nâl.