Lơ 4/9, Rnâng kan Ban Bí thư, Kruanh Rnâng kan Trung ương Trương Thị Mai hŏ geh nar pah kan đah Rnâng kan rđau kan Đảng bộ n’gor Yên Bái. Tĭng nau mbơh, tât rnôk aơ, Yên Bái geh 18/19 nkô̆ nau geh dơi ndrel rlet nau dơi Nau ntrŭnh Đại hội 19 bah Đảng bộ n’gor, geh du nkô̆ nau ân geh rgum rklaih ân rjăp ndrel geh nau kan ngăn gay ƀư jêh nê lah nkŭm n’hâm bri ntơm 63% hao 65%.

Ntoh nau tâm nar pah kan, Rnâng kan Ban Bí thư Trương Thị Mai hŏ kơp dơn, rnê prêh ăp nau nsôih bah Đảng bộ n’gor Yên Bái hŏ rlet nau jêr gay dơi geh nau khlay tâm n’gul năm kan rlau aơ. Tâm nê, ntoh ngăn lah Yên Bái hŏ ƀư rjăp nau kan tĭng nau ntrŭnh, ƀư ngăn, rđau đă ƀư nau ntrŭnh rjăp. Nkre lah rjăp, ntơm rnôk aơ tât lôch năm kan, Yên Bái ân geh kơl an ăp nau sŏk prăk soay ân geh đăp mpăn nau đă, kơl an n’hao nau nâp ntĭm nti nŭih kan, n’hao nau rêh drăp ndơ, nuih n’hâm bah rnoi mpôl đê̆. Ân geh ntĭm nti tâm di nau dơi bah nau kan./.